Darahku Minangkabau
Tambo Sisuak babuni
Manyirok-nyirok dikana
Darahku Minangkabau
Pupuik Batang Padi
Mandayu-dayu di dangau bendang
Darahku Minangkabau
Sarunai Daun Karambia
Maimbau-imbau di tapi batang aia
Darahku Minangkabau
Saluang Talang
Mandasau-dasau di muko lapau
Darahku Minangkabau
Tambua Kulik Jawi
Mandarau-darau di galanggang
Darahku Minangkabau
Rabab Batali
Maratok-ratok di balai
Darahku Minangkabau
Lasuang Kayu
Manyupak-nyupak di luhak
Darahku Minangkabau
Talempong Parunggu
Malantuang-lantuang di nagari
Darahku Minangkabau
Randai Bahandai
Mangaba-ngaba di jorong
Darahku Minangkabau
Kambuik Pandan
Hiduik gadang di rantau
Darahku Minangkabau
Karih nan Tungga
Mangisau-ngisau di Sungai Sariak
Darahku Minangkabau
Sirauik nan Tajam
Maaluih-aluih di Lubuk Aua
Darahku Minangkabau
Silek Balang
Mengaum-ngaum di lereng Marapi
Darahku Minangkabau
Adaik basandi Syarak
Syarak basandi Kitabullah
Darahku Minangkabau
25/02/2019